ވިހި ވިހި ދުނިޔެ މިއޮތީ ބިރުން ސިހިސިހި
ޝަކީލާ ޙާމިދު
އަލުން އާ އުސްމިނެއް ހޯދޭ އަހަރަކަށް ކީ މި ރަން ވިހިވިހި
ބަލަން ތިއްބާ
އަހަރު އައިއިރު ދުނިޔެ މިއޮތީ ބިރުން ސިހިސިހި
އުފާވެރިކަމުގެ ހައްސާސާ ގުޅާ އުއްމީދު ރަންކުރިޔަސް
ދިފާޢު
ވެވޭނެ ގޮތްނެތުމުން ދުނިޔެ މިއޮތީ
ބިރުން ސިހިސިހި
ބިނާކޮށް ބޮޑެތި ގަނޑުވަރުތައް ޚިޔާލުގެ އަސްދަނޑިން
ބޭރުން
ފަނާރުގެ
އަލިކަމެއް ނެތުމުން ދުނިޔެ މިއޮތީ ބިރުން
ސިހިސިހި
މިއަދު
ބާރާއި ކެރިފޯރުން އެބޯތޭ ގޮންޖަހާ ބުނަމުން
ނިއަތުގައި ކަންފުޅެއް ނެތުމުން ދުނިޔެ މިއޮތީ ބިރުން ސިހިސިހި
އަވާމެންދުރު ދުރުންބަލަމުން ހަގީގަތަކަށް އެކަންހަދަމުން
ހަވާނަފުސަށް ތަބާވެވުމުން ދުނިޔެ މިއޮތީ
ބިރުން ސިހިސިހި
ޚަޒާނާތައް ފުރާ އޮތުމުން ނަގާ މިންވަރު ނުވެސް އެނގުމުން
ނަޒާޙާތްތެރިކަމެއް ނެތުމުން ދުނިޔެ މިއޮތީ ބިރުން ސިހިސިހި
އަލުން ހައްލެއް ލިބޭނެގޮތެއް ފުދުންތެރިކަން ލިބޭނެ
މަގެއް
ކަލުންނަށް ނޭނގިފައި އޮތުމުން ދުނިޔެ މިއޮތީ ބިރުން ސިހިސިހި
ބޮޑާބަސްތައް ދުލުން ބުނަމުން ނުބައި ނުލަފާކަމޭ ބުނަމުން
ފުޑާލާގޮތް ލޮލަށް ފެނުންމުން ދުނިޔެ މިއޮތީ ބިރުން ސިހިސިހި
ކުރާ އަނިޔާތަކަށް ވިރިވިރި ބިރުން މުސްލިމު ތަކުން ތިއްބާ
ކޮރޯނާއެއް
އަލުން އައުމުން ދުނިޔެ މިއޮތީ ބިރުން ސިހިސިހި
ޒަމާނުގެ މޮޅު ޙަކީމުންނާ ސައެންސުގެ މާހިރުން ތިއްބަސް
އަމާންކަން އޮތްތަނެއް ނެތުމުން ދުނިޔެ މިއޮތީ ބިރުން ސިހިސިހި
No comments:
Post a Comment