ވިހަ ހަރުފަ
ޝަކީލާ ޙާމިދު
ރީތި ނަލަނަލަ ހަނދެއްފަދަވި މޫނާ ރީތި ހިނިތުންވުމުގެ ތިޔަ ނަމޫނާ
ވީތިބާ އަރިހުގައި
ގިނަ ހަނދާނާ ރީތި
ފިނިފެންމަލެއް ފަދަވި ދާނާ
އަރިއަހުން ރީތި ލޮބުވެތިވި މައިނާ ވަރުވަރުން އިވުނު އެކިއެކި ފަސާނާ
ފުރި އުތުރި ދާ
ކަނޑެއްފަދަ ޚަޒާނާ ދިރި މަހުންނަށް ލިބުނު ތީއެ
ކާނާ
ލޯބިވެތިބަސްތަކާ ގިނަ އަދާތައް ލޯބި ފިރުމުންތަކާ ހެޔޮދުޢާތައް
ލޯބިލޯބިން އެދިން ގިނައުފާތައް
ލޯބިހިތުގައި ފެވުނު ގިނަ ހަނދާނާ
ކަޅިރަވައިން ފޮނުވި ޖާދޫގެ އަސަރުން އޮޅިމަގޭ ބުއްދިފިލިޔޭ އެނަޒަރުން
ވަޅިޔަކުން ނޫނަކަސް ވީއެޒަޚަމުން މުޅިޙަޔާތް ބަނަވެ ވީއަދު މަރޯނާ
މަޑުމަޑުން ބަދަލު އަންނަންފެށީމާ ބަނޑިތަކެއްފެނުނެ ހަށިގަނޑު ބެލީމާ
އަޑުއަހާށޭ މަށަށްލިބުނު ސިހުމާ ދަނޑިވަޅުން ބަދަލުވީ ރީތި މޫނާ
ހަށިގަނޑަށް އެކިބަދަލު އައި ގޮތުންނާ ތޮށިގަނޑެއް ކުރަކި ލެވިފައި ވުމުންނާ
ފޮށިއެހެން ކުޅުޖަހާ ވިހަލުމުންނާ ކޮށިވެ ވިސްނުންއެރީ އާސުމާނާ
ވެއްޖެދުޅަ ހަށިގަނޑާ މޫނުއެކުގައި ކެއްނުވާވަރުގެ ދިލައެއްނަގާފައި
ނެތްލިބޭނޭ ޝިފާއެއް
މިކަމުގައި ދެންނިކުމެގެން ދަނީ
މީ ފުރާނާ
ވިސްނަވާށޭ މަށަށްލިބުނު ކެހިއަދު ހުސްނުބާނޫގެ ދަރުބާރު ދުންހިދު
ރަސްމު ފުރިހަމަވެގެން ދިޔަގޮތާމެދު އަސްލު އަހަރެން ވެފައިވީ ދިވާނާ
ކުރި އެއިތުބާރު ގެއްލުނު ގޮތާމެދު ހުރެވުނީ ސިކުނޑި ސުމަކަށް އަރާއަދު
އަރިއަހުން ފެނުނު ކެހިވެރި ކަމާމެދު ކަރުނަ ހިކި ހުސްވެދާފަދަ މި ވޭނާ
އެންމެ ފުރަތަމަ މަށަށް ހީކުރެވުނީ އެންމެނާ އެއްފަދައިން ސޫރަވެވުނީ
އެންމެހާ ލޯތަކަށް ހާމަވެވުނީ އެންމެ ކަމުދާ އެއީއޭ ނަމޫނާ
ގެންގުޅޭނަމަ މިފަދަ ވިހަ ހަރުފަތައް ގެއްލުމެއްދީ ހިނގައިދާނެ މިގޮތަށް
ދެންލިބުންނެތް ގޮތެއްގައި އުފާތައް
ހެއްލުމުން ގެއްލިދާނޭ ޒަމާނާ
No comments:
Post a Comment