ދޮންގޮމަފުޅު
ނަން ރީތިވި ގޮމަފުޅޭ
އަތްހެލި އައިސާފުޅޭ
ރަން ގޮމަފުޅު އަރިއަހުން
ރުހުމަށް އެދި ހުރީމޭ
ރަށުގައި ބުރު ޖެހީ
ފަތިހުފިނީ ހިނގީމޭ
ފަސްމީރުވި ރަންކޮޅޭ
އެދިގެން އައިސް ހުރީމޭ
ހިތްޕުޅު ތިރި ގޮމަފުޅޭ
ނިޔަނެތި ދޮން ގޮމަފުޅޭ
ވަލަށް ފަރަށް ގޮސް އުޅޭ
ކާށި ހޮވާ އެއްކުރޭ
ދަރަށް ފަލަށް ހިނގާނޭ
ކަނޑޫ ހޮވާ ލިޔާނޭ
ފަސްއިރު މިސްކިތަށް ދެޔޭ
އެކަމަށް ފަރުވާވެޔޭ
ދޮންގޮމަފުޅު ލިބުނިއްޔާ
މާވަހަރުންދުން އަޅާ
ބޮޑު ބުރުދާ ކިޔަވާނަން
ދޮންކޭލާ ކިރާނަން
ބޮޑު ކޭމެއް ކައްކައިގެން
ރަށްޔިތަށް ގޮވާލާނަން
ތުންބުރި ކުޑަ ކާޅަށްށާ
ހިކަނދި މީދަލަށް ދޭނަން
ގޮމަފުޅު ރުހެނީވިއްޔާ
ފެންވަރުވައި ވެސް ދޭނަން
ތެޔޮލައްވާ ހުވަނދުލާ
ގަހަނާ އަޅުވައިދޭނަން
ކައިވެނި ތިން ގަނޑެއްޗާ
އިތުރު ހެދުން ގަނނެދޭނަން
ރަން އުޅަޔާ ފައްޓަރާ
ތަކަހޮޅި ހޯދައިދޭނަން
ގޮމަފުޅު ހިތް ރުހެންޏާ
ލޯ ދެކިލަން ވަދެލާނަން
އާނބަސް ބުނެފީވިއްޔާ
ހެކިވެރިޔަކު ފޮނުވާނަން
ކަންވެރިޔަކު ހޯދައިގެން
އިރުވަރު މޮޅު ހޯދާނަން
އަތްދޮށްވާ ފައިދޮށްވާ
ރަންކިޔާ ޚަރަދު ދޭނަން
މައިން ބަފައިން ބަލާނަން
ގެދޮރު އަޅައިވެސް ދޭނަން
ވަލުން ދަރުކޮށައި ދޭނަން
މަސްކައްކާ ހިއްކާނަން
ރުކުރާ ބާލައިދޭނަށް
ހިކިގުޑި ރާ ބޯންދޭނަން
ރާކައްކާ ވަރުކޮށްދީ
ހަކުރު ހިލައިވެސް ދޭނަން
No comments:
Post a Comment