މަ ހިތް އެދޭ
ޝަކީލާ ޙާމިދު
ޤައުމިއްޔަތުގެ އަޑު އުފުލުމަށް އަހަރެން ނުލާހިކު ހިތްއެދޭ
އައުދާނަ
ކާބަފައިން ފަދައިން ހިތްމަތްކުރަން ހަމަ ހިތްއެދޭ
ދީނާއި
ވަޠަނުގެ ޙައްޤުގައި ކެރިގެން ޖިހާދަށް ނުކުމެގެން
އީމާނުގައި ސާބިތުވެހުރެ
ހިތްވަރުކުރަން އަދު ހިތްއެދޭ
މިނިވަންކަމާ ޤައުމިއްޔަތުގެ ފަޚުރާ ޝަރަފު ދަމަހައްޓަމުން
ހިނިތުންވެ
ހުރެ ޙައްޤަށް ނަސްރު ދިނުމަށް ނުލާހިކު ހިތްއެދޭ
ދިވެހިންގެ
ރީތި ސަޤާފަތާ އަސްލާ އުސޫލާ ހަމަތަކާ
ދިވެހިންގެ އަތްމައްޗަށް
އިއާދަ އަލުން ވުމަށް ހަމަ ހިތްއެދޭ
ފިކުރާ
ސިޔާސީ ޙިކުމަތުން އަބުރާއި ޢިތްޒަތް ވިއްކަމުން
މަކަރާއެކީ ދެފުށަށްކެޑުން ފަރުދާކަހަން
އަދު ހިތްއެދޭ
ޤައުމުގެ
ޒުވާނުން މަސްތުގައި އަދަމުން ދުވާތީ ގިސްލަމުން
ޤައުމާއި ދީނުގެ ޙައްޤުގައި އިސްލާޙު ކުރުމަށް ހިތްއެދޭ
ތެދުވެރިކަމާ އީމާންކަމާ ކިޔަމަންކަމުގެ ގަހަނާ
އަޅާ
މެދު މިންވަރެއްގައި ހެޔޮހިތުން ސާބިތުވުމަށް
ހަމަ ހިތްއެދޭ
ޤައުމުގެ ދަރީންތައް އަދުތިބީ
މާއްދިއްޔަތަށްގޮސް ގެއްލިފައި
ޤައުމުގެ މިޙާލަތު ބަދަލުކޮށް އިސްލާޙް ކުރުމަށް ހިތްއެދޭ
ޤައުމުގެ ދުލުން އަސަރާއެކީ އެދި
އިލްތިމާސު ކުރާކުރުން
ޤައުމީ ނިދާގެ ބަހާއެކޭ
ދަންނާށެ ބުނެލަން ހިތްއެދޭ
އެހެނަސްކުރާނެ ކަމެއްނެތޭ ތެދުވެރިކަމުގެ
ޤަދަރެއްނެތޭ
ކެހިވެރި ކަމުގެ ފަރުދާއެކޭ އެ ކަހާލުމަށް
އަދު ހިތްއެދޭ
No comments:
Post a Comment